selecziun emissiuns tenor: |
Datum dall'emissiun |
Alfabet |
a-b |
c-d |
e-f |
g-h |
i-j |
k-l |
m-n |
o-p |
q-r |
s-t |
u-v |
w-z |
Quels che vivan dorman.
Quels ch'ein morts saultan.
Aber tgei s'ei cun quels denter veta e mort?
Quels fuian.
Fuian dalla mort.
Schi sto esser, in'entira veta.
Cun perlas, docters e farrers.
Ed in'intervesta culla Mort.
Ils schlumpfis: ina pesta blaua.
Gargamel: in alki e valanuot.
Lunsch, lunsch naven.
Leuen, vin Lunschania.
Dat ei in per Flügapils
ch'ein in tec pli gross che normal.
E leu...
Sch'ins teidla bein...
sch'ins teidla fetg bein...
propi, propi, propi
...bein,
Sche aud'ins forsa...
Il Tgagi-Schlumpf™, la Schlumpfirma, ed igl SM-Schlumpf sco els fan plans da tirannisar il pauper Gargamel. Pauper Murtirau™, ed ex-possesur d'in Sex-Shop.
Schlumpfis tut che buglia. E l'operaziun "rolla da tualetta".
Suicid.
Siglius ord ina finiastra ell'emprem'alzada (3 meters).
In crimi cun inschpèctr Gion Antoni.
Bu mintga suicidi ei in homicidi.
Dieus pertgiri.
Aber che la polizia gidi
tier in suicidi,
fuss maisudiu.
cardientschas blauas.
cotschnas. blauas. cotschnas.
sirenas.
Inschpèctr Gion Antoni e gidonter Alfred creian nuota enten cardientschas blauas. Inschpèctr Gion Antoni e gidonter Alfred creian enten homicidis.
E tut las unfrendas cartevan enten l'Irma.
Emprem d'avrel. In professore da linguistica encuera
la sgnocca letala.
Ed anfla in Dölf.
ni: gl'emprem d'avrel
Tgei vein nus ris.
O Diu, vein nus ris!
Giavatschen, vein nus ris.
Aber vessan nus era ris, sche nus havessan saviu, che quei tier Monty Python, quei leu culla sgnocca letala, che in che ha inventau ina sgnocca e ris caput, propi ius futsch cun leger l'atgna sgnocca, era propi in document veritablamein historic? Ha?
O, aber mattei!
Vas eifach caput cun Monty Python.
E lu dat ei aunc da quels che van inzumma bu futsch. Sco il Hüttler (ni Hiedler, ni sappa Dieus, ni zatgei giavetsch plitost) Dölf p.ex.
Tgei interessescha il mund dapli che la protecziun digl ambient?
La surdada dils Oscars. Sur Dada. Ab Surda.
Sche enzatgi vess fadigiau igl Oscar per las prestaziuns d'ina veta cumpleina, sche fuss quei segir l'Irma.
Aber.
Sco quei ei tier ils biars premis,
ils falli survegnan els.
Aber bu cun l'Irma.
Bu cun la diua da tuttas divas.
La diva che fa dapi 30 onns bogn mo en latg asen.
Il medem latg.
Dapi 30 onns.
Gion Antoni Piccard, Irma T. Kirk, Gieri la Forsch.
Ed il reservat historic entuorn la ruosna a Sedrun.
Temps galactic 123.456.789.
Captain Irma T. Kirk e Capitani Gion Antoni Piccard dil bastiment spazial EntaPeis discuvieran ina "civilisaziun" primitiva. Ina "civilisaziun" che pareva emblidada.
La cru dall'EntaPeis discuviera il reservat da Sedrun.
Ed il Gieri la Forsch ei aunc adina tschocs sc'in pal fier.
*
Cura ch'il rest dall'Europa berschava schon cotgla, druvavan ils sursilvans aunc adina strias.
Tgei che ha cavels liungs ed empau unterrocks brischa halt era bein.
Aber atgnamein vegneva barschau tgei che saveva buca scappar.
Ni silmeins buca spert avunda.
In mument buc attentivs e schon inquisiziun e fried da barschau vid ils peis.
Scientists ein sco meters. Bia auter che miserar san ei nuot.
E gnanc gliez sco s'auda.
Aber persuenter dat ei lu premis da Nobel.
Tgei che emporta la finala ei, ch'il sulegl vegn traso pli caulds. E la carstgaunadad va ali giavel.
Aber mo schei dar quels da Stockholm lur premis per fueras sco economia etc, quei gida tut nuot.
Il mund va caput.
E la purtadara d'in premi Nobel, Irma, vul calar da fimar.
Ed ina prognosa dil Tsunami grond dil december 2004
Toffas da quà e da lá. Il giug dalla servla.
Ed il giug pigl Alfons Flury.
El temps, cura che buca mo il makeup dalla "moderatura" quintava enzatgei tier la televisiun romontscha, el temps pia, cura che las contribuziuns eran igl essencial, ed ei vegneva mirau in tec sin qualitad...
era il program dalla televisiun romontscha era schon scheisse.
Aber tgei cletg dat ei l'Irma che surpren la buda!
Toffas da quà e da là, l'uiara dils chors ed il giug dalla servla mettan in tec feffer ella sosa.
Irma e Gion Antoni gudognan ina cruschada. Els han aber nuota gudignau in toc via cantunala, ed els han era buca dumignau ils smaladi nuncartents en tiara sontga, na, els van sin in tschéff.
Il bastiment a motor 'Berlin' ha schon viu biaras episodas.
Fetg biaras episodas.
Fetg fetg biaras episodas.
Damemia episodas.
Aber aunc mai ina cun Otto Rehagel e canibalissem.
Il traumtschéff: divertiment per l'entira famiglia.
: Taaaa dia da di daaa, ti da da da da daa ta ta. . taa dia da di diii, ti da di da taa düüü da ta. :
Lader fin.
Cu tuornas? Dallas 8 el Battaporta.
La historia dalla paupra figura dil tredischavel affon dad ina famiglia che survegneva gnanc chindergeld buc e stueva termetter lur bruot egl exteriur.
La tresta historia dil pauper Tredischin che vegn da tuts adina mo maldruvaus.
Fa nuota surstar,
ch'el daventa in lader
che va cun drogas en Terchia!
Aber las femnas stattan gie sin da quei, ed aschia survegn il pauper Tredischin alla fin ina princessa.
Cun: In cavagl alv, empau dierma, in papagagl ed ina Terchessa.
Cun material original dalla cassetta da praulas "praulas sursilvanas II", raquintau da Hendri Spescha.